Vi skal styrkje etterkontrollteamet i Bergen som jobbar med å kontrollere sjømatnæringa, og søkjer no etter ein dyktig medarbeidar som har relevant erfaring med analyse- og kontrollarbeid i sjømatnæringa, inkludert tverretatleg samarbeid, og erfaring med rettleiing i etterleving av regelverk.

Vareførselsdivisjonen i Tolletaten er etablert med hovudkontor i Bergen og skal leggje til rette for korrekt og effektiv inn- og utførsel av varer for både næringslivet og privatpersonar. Divisjonen består av fem fagavdelingar og to stabar.

Oppfølgingsavdelinga består av sju seksjonar og har nasjonalt fagansvar for å kontrollere den registrerte vareførselen. Målet er å etablere heilskapleg bruk av verkemiddel, som informasjon, førebygging, etterretning, analyse og sanksjonering, for å sikre betre etterleving. Dette skal utøvast i samhandling med andre einingar og samarbeidande myndigheiter. 

 

Etterkontroll er eit viktig verktøy for å motverke og avdekkje økonomisk kriminalitet. Det omfattar mellom anna kontroll av grunnlagsdata og statistiske data, tollavgift, restriksjonar og ulovlege varer. Seksjonen i Bergen har eit nasjonalt fagansvar for å kontrollere sjømatnæringa.

Sentrale arbeidsoppgåver:

  • Følgje opp, kontrollere og rettleie næringslivet for å sjekke at regelverk og prosedyrar for grensekryssande vareførsel innanfor fagansvaret til seksjonen blir følgde
  • Ha sjølvstendig ansvar for og myndigheit til å rettleie, kontrollere og ta avgjerder i saker som høyrer inn under fagområdet
  • Samarbeide med andre offentlege instansar
  • Delta i utviklings- og prosjektarbeid

Det kan bli aktuelt med undervisning- og foredragsverksemd, og du må rekne med at det blir litt reising.

Kvalifikasjonar:

  • Du har fullført bachelorgrad innanfor eit relevant fagområde (svært god realkompetanse frå eit relevant fagområde kan erstatte kravet om bachelorgrad).
  • Det er ønskjeleg at du har erfaring med kontrollarbeid frå offentleg verksemd.
  • Erfaring med tverrfagleg samarbeid er òg ein fordel.
  • Du har god skriftleg og munnleg framstillingsevne.
  • Vi legg stor vekt på personlege eigenskapar.

Vi søkjer deg som

  • Har gode samarbeidseigenskapar og er løysingsorientert
  • Har evne til å arbeide strukturert og mål- og resultatorientert
  • Kan jobbe både sjølvstendig og i team
  • Tek initiativ, er nysgjerrig og ønskjer å bidra på alle arbeidsområde
  • Er ein positiv bidragsytar til arbeidsmiljøet

Vi tilbyr:

  • Eit godt arbeidsmiljø med engasjerte medarbeidarar
  • Fagleg samarbeid både internt og mot andre samarbeidande offentlege myndigheiter
  • Lønn som rådgjevar/seniorrådgjevar, lønnsspenn frå kr. 548 600 til 679 700  avhengig av bakgrunn og kvalifikasjonar (for spesielt kvalifiserte søkjarar kan høgare lønn vurderast)
  • Pensjons-, forsikrings- og låneordningar i Statens pensjonskasse
  • Fleksibel arbeidstidsordning og trening i arbeidstida
  • Arbeidsstad i moderne lokale i Bergen (Solheimsviken)

Nærmare informasjon om stillinga kan du få ved å kontakte fungerande seksjonssjef Baard Nenseter, tlf. 990 12 652 eller avdelingsdirektør Åge Skår tlf. 976 99 792.

Du må kunne sikkerheitsklarerast for «hemmeleg» og levere uttømmande politiattest ved tilbod om tilsetjing.

Bakgrunnssjekk
Vi nyttar Semac bakgrunnssjekk på aktuelle kandidatar.

Krav til søknaden
Fyll ut felta «Utdanning» og «Arbeidserfaring» og last opp relevante vitnemål og eventuelle attestar.

Inkludering og mangfald

I Tolletaten er vi opptekne av mangfald, og vi ønskjer å vere ein inkluderande arbeidsplass som speglar befolkninga. For å kunne utføre samfunnsoppdraget vårt best mogleg treng vi medarbeidarar med ulik bakgrunn, erfaring og kompetanse og med ulike perspektiv. Vi oppfordrar derfor alle kvalifiserte kandidatar til å søkje. Dersom det er kvalifiserte kandidatar med funksjonsnedsetjing, hòl i CV-en eller innvandrarbakgrunn, vil vi kalle inn minst éin søkjar frå kvar av desse gruppene til intervju. For at du skal bli vurdert som søkjar i desse gruppene (bli positivt særbehandla), må du oppfylle visse krav. Du kan lese meir om positiv særbehandling på arbeidsgivarportalen.